Чаму тушонка цяпер захоўваецца 2–3 гады, а савецкая магла нашмат даўжэй?

Часам даводзіцца чуць ад старэйшага пакалення, што ў іх час кансервы маглі захоўваць гадоў шэсць, а цяпер тэрмін скараціўся да двух год. Але сакрэт скарачэння тэрміну прыдатнасці звязаны найперш не з якасцю мяса, а з тым, як сёння робяць і захоўваюць кансервы. Гэта патлумачыла дырэктар малдаўскага мясакамбінату Анжэла Георгіца.

Адна з ключавых прычын — метал у банках цяпер танчэйшы. Анжэла Георгіца прыводзіць прыклад, што савецкая банка важыла 69 г, а сучасная — 34 г. Прынцып просты: чым “мацнейшая” тара, тым стабільней герметычнасць і абарона прадукту пры доўгім захоўванні.

А вось армейская тушонка на 10 гадоў — гэта хутчэйпра іншыя ўмовы. Легенды пра тушонку са стратэгічных запасаў часта забываюць важную дэталь: там былі асаблівыя ўмовы. Металічныя слоікі такой тушонкі маглі захоўваць у прамасленай паперы або парафіне ў драўляных скрынях і без папяровых этыкетак (іх клеілі ўжо пасля адкрыцця скрыні).

Такі падыход сапраўды дазваляў трымаць кансервы даўжэй. Але таксама адзначаецца, што па ГОСТ тэрмін годнасці ставілі 6 гадоў.

Чаму шмат тушонкі цяпер у шкляных слоіках, і чаму гэта абмяжоўвае тэрмін? Анжэла Георгіца кажа, шшто на некаторых заводах сёння да 90% тушонкі могуць выпускаць у шкляной тары. Прычына ў тым, што гэта зручней, бо пакупнікам важна бачыць, што ўнутры. Так можна разледзець тушонку з усіх бакоў.

Але ў шкляной банкі ёсць слабое месца — металічная крышка. Па словах дырэктара мяскамбінату, пасля 2–3 гадоў павышаецца рызыка акіслення/карозіі, што можа парушаць герметычнасць, а гэта ўжо ўплывае на бяспеку прадукту.

Як выбраць тушонку бяспечна: што правяраць у краме? Спецыялісты раяць заўсёды аглядаць тару. Насцярожыць павінны іржа, моцныя ўвагнутасці (для металічнай банкі), любыя прыкметы пашкоджання. Пры дэфектах можа парушыцца ахоўны слой і герметычнасць. Тады ўжыванне можа быць небяспечным.

Такім чынам, калі вы бачыце на тушонцы 2–3 гады, гэта не аўтаматычна “горш, чым раней”. Проста тара стала танчэйшай. Акрамя таго, цяпер няма патрэбы ў такім доўгім захоўванні прадукту. У адрозненне ад савецкіх часоў з іх дэфіцытам і чэргамі.